A Confraría de Pescadores de Lourizán adquiriu un novo motor para a embarcación do servizo de gardapescas da entidade e usos varios.

O mencionado elemento foi subvencionado ao 80% do seu custe a través da convocatoria anual de axudas ás confrarías de pescadores e federación provincial de confrarías para investimentos durante o ano 2024. Esta actuación implica a substitución do anterior motor, avariado sen solución de reparación, o que conlevou a paralización temporal do barco «Mar de Lourizán», propiedade desta confraría de pescadores.

A instalación da nova máquina permite pór novamente en servizo un elemento fundamental para o coidado dos bancos marisqueiros logo dun período de varios meses paralizado, así como a reactivación das tarefas accesorias propias do marisqueo, como son as resembras dos excedentes de moluscos bivalvos procedente dos controis de marisqueo tanto a pé como a flote, que se poderán realizar en marea alta e en diversos puntos do ámbito dos areais obxecto de explotación.

O importe total da actuación foi de 14.573,00 €, cubrindo a Deputación Provincial un total de 11.658,40 € e a Confraría, con fondos propios un total de 2.914,60 €